Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Asociacioni i Gazetarëve të Kosovës ankohet se po vazhdojnë sulmet e Vetëvendosjes kundër medieve dhe AGK-së. Zyrtarja e Vetëvendosjes, Dejona Mihalis ka vazhduar sulmet e partisë së saj dhe të Kurtit, kundër gazetarëve, medieve dhe AGK-së. Ajo ka kërkuar hetime ndaj medieve të Kosovës për pretendimet e gazetës boshnjake, që sipas saj, qenka një gazetë investigative, dhe nuk qenka një gazetë regjimesh’. Mihalisi gjithashtu i ka bërë thirrje AGK-së, të kërkojë hetime duke shkruar se ‘Asociacioni i gazetarëve do të ishte më mirë të tregonte profesionalizëm dhe të sugjeronte hetime për rastin që kolegët gazetarë boshnjakë kanë publikuar. Pra, nëse vërtetë Vuçiq dhe rrjeti i tij kriminal ka dorë brenda në Kosovë, thuhet në reagimin e AGK-së. Për AGK-në, qëndrimi i fundit i zonjës së parë të Vetëvendosjes, Mihalis, vjen në serinë e sulmeve të koordinuara të pushtetit të Vetëvendosjes kundër medieve dhe gazetarëve në Kosovë. “Thirrja për hetime ndaj një shkrimi pa autor, që nuk ofron asnjë fakt e dëshmi për pretendimet e veta, është e papranueshme dhe ka për qëllim poshtërimin e gazetarëve në Kosovë”, theksohet në reagimin e AGK-së.
