Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik, Agon Maliqi, ka kritikuar presidenten e Kosovës, Vjosa Osmani, pas dorëzimit të komenteve të saj në Gjykatën Kushtetuese lidhur me ankesën e deputetëve të Listës Serbe për procedurën e zgjedhjes së kryesisë së Kuvendit. Maliqi tha se Osmani ka qenë nën nivelin e detyrës gjatë krizës politike dhe institucionale, duke e kthyer zyrën e presidentes nga një institucion unifikues në një mjet politik personal. “Nëse dikush po e përdor pozitën e nënkryetarit të Kuvendit si veto për themelimin e institucioneve, atë po e bën shumica shqiptare, sepse serbët po i nominojnë kandidatët e tyre. Presidentja këtë vit ka qenë absolutisht nën nivelin e detyrës, duke e kthyer zyrën e unifikuesit të popullit në mjet politik personal. Nëse mendon se me këto manovra partizane do të sigurojë mbështetje për mandat të dytë, i ka bërë vetes antireklamën më të madhe të mundshme”, ka thënë Maliqi. Ai shtoi se ky veprim e dëmton rëndë kredibilitetin e institucionit të presidentit, i cili duhet të jetë mbi interesat partiake.
