Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Opinionistja Aida Dërguti ka analizuar rezultatin e deputetëve të Lëvizjes Vetëvendosje në legjislaturën e re të Kuvendit të Kosovës, pas zgjedhjeve të mbajtura më 9 shkurt. Ajo vuri në dukje rritjen e votave për Xhelal Sveçlën dhe Mimoza Kusari-Lilën, duke i ndërlidhur me qëndrimet e tyre ndaj Milan Radoiçiqit. Sipas Dërgutit, Sveçla ka përfituar vota falë aksioneve në veri dhe qëndrimit të tij kundër Radoiçiqit, ndërsa Kusari-Lila ka shënuar rritje të konsiderueshme të votave, pavarësisht se ishte e përfshirë në përgjime me të. Xhelal Sveçla fiton shumë vota për shkak të angazhimit në Mitrovicë, ndërkohë që Mimoza Kusari-Lila, e cila është dëgjuar në përgjime me Radoiçiqin, ka arritur gjithashtu rritje të votave. Në mandatin e kaluar ajo kishte 50 mijë vota, ndërsa tani ka 84 mijë,” deklaroi Dërguti. “Njëra palë do të duhej të penalizohej, por Vetëvendosje ka arritur të kapitalizojë të dy anët e medaljes,” përfundoi Dërguti.
