Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik, Visar Ymeri, ka kritikuar kryeministrin aktual Albin Kurti, duke e cilësuar atë si “njeriun më të gabuar” për të udhëhequr Kosovën në rrethanat aktuale politike. Ymeri tha se Kurti konsiderohet i pabesueshëm nga zyrtarët amerikanë, gjë që e bën të papërshtatshëm për këtë pozitë në këtë fazë. Kurti është njeriu më i gabuar për këtë fazë, sepse zyrtarët amerikanë, prej presidentit e poshtë, nuk e marrin parasysh atë që mendon ose ndjen. Kjo është një qasje që kemi parë vazhdimisht, deklaroi Ymeri. Ai e krahasoi situatën me rastin e presidentit ukrainas Volodymyr Zelensky, i cili, sipas tij, u detyrua të pranojë gabimet pas presionit nga ish-presidenti amerikan Donald Trump. Ymeri theksoi rëndësinë e lidershipit në këto rrethana, duke nënvizuar se marrëdhëniet personale të liderëve me zyrtarët ndërkombëtarë luajnë një rol kyç.
