Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas më shumë se një muaji që kur u takua me veteranët për të ndërprerë protestat, kryeministri i Kosovës, Albin Kurti më në fund ka dorëzuar propozimet e tij te krerët e shoqatave të dala nga lufta e UÇK-së. Kurti ka propozuar të fillojë hartimi i një ligji të ri i cili nis procesin e vlerësimit dhe verifikimit të veteranëve. Por, sipas tyre, kjo nuk mund të bëhet për shkak të një procesi gjyqësor. Propozim tjetër i shefit të qeverisë është edhe kategorizimi i veteranëve, që sipas Klinakut edhe këtë e pengon procesi aktual gjyqësor i pastrimit të listave. Ndërkohë që për propozimin e tretë të Kurtit për përkrahjen në punësim dhe subvencionim të pagës për veteranët, Klinaku shton se kjo mund të bëhet edhe tash, por nuk ka vullnet. Organizatat e dala nga lufta do të mbajnë takim që më pas t’i përgjigjen letrës së Kurtit, por duke mos përjashtuar protestat në rast se ligji që mundëson rritjen e pagës minimale dhe lë anash pensionet e veteranëve shkon në lexim të dytë në Kuvend.
