Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Bashkimit Demokratik për Integrim, Ali Ahmeti, ka angazhuar ekip ndërkombëtar, përmes të cilit do të kërkojë zgjidhje për mosrespektimin e vullnetit të votuesve, pasi që “Fronti Evropian”, që drejtohet nga Ahmeti, ndonëse i ka fituar zgjedhjet në taborin shqiptar është lënë jashtë qeverisë së Maqedonisë së Veriut. Lajmin e ka bërë me dije nënkryetari i BDI-së, Arbër Ademi, i cili ka njoftuar se në krye të këtij ekipi do të jetë Paul William, autor i marrëveshjes së Ohrit të vitit 2001, e cila i kishte dhënë fund luftës në mes të forcave ushtarako-policore maqedonase dhe Ushtrisë Çlirimtare Kombëtare, me komandat suprem, Ali Ahmetin, e cila kishte filluar për shkak të dhunës dhe represionit të vazhdueshëm që regjimi maqedonas ua bënte shqiptarëve. Kjo lëvizje e Ali Ahmetit ka ardhur pasi që lideri nacionalist i VMRO-DPMNE-së, tashmë edhe kryeministër i Maqedonisë së Veriut, Hristjan Mickoski, la jashtë qeverisë fituesin e zgjedhjeve parlamentare të 8 majit në taborin shqiptar.
