Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Bashkimit Demokratik për Integrim, Ali Ahmeti, ka përshëndetur zhvillimin e zgjedhjeve parlamentare të mbajtura në Shqipëri, duke i cilësuar ato si një dëshmi të pjekurisë demokratike të vendit. Në një reagim publik në rrjetet sociale, Ahmeti ka theksuar se procesi zgjedhor u zhvillua në një atmosferë të qetë dhe të rregullt, ku qytetarët ushtruan të drejtën e votës në mënyrë të lirë dhe me një kulturë të lartë demokratike. “Shqipëria dëshmoi edhe një herë pjekurinë e saj demokratike duke kaluar me sukses një tjetër provë të rëndësishme në rrugën drejt integrimit të plotë në Bashkimin Evropian,” ka shkruar Ahmeti. Ai gjithashtu ka uroj që procesi i numërimit të votave të përfundojë me profesionalizëm dhe transparencë, në përputhje me ligjin dhe vullnetin e qytetarëve. Ahmeti ka përmendur gjithashtu se këto zgjedhje janë një tregues i qartë i gatishmërisë së Shqipërisë dhe qytetarëve të saj për t’u bërë pjesë e barabartë e familjes evropiane dhe për t’u përballuar me përgjegjësi me sfidat që sjell ky proces integrues.
