Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kriza e konstituimit të Kuvendit të Kosovës ka hyrë në një fazë të ndjeshme politike e institucionale. Ambasadorët e Gjermanisë dhe Mbretërisë së Bashkuar, Jorn Rohde dhe Jonathan Hargreaves, pas takimeve me presidenten Osmani, kanë theksuar qartë se procesi nuk është përfunduar dhe se hapat e mbetur duhet të ndërmerren në përputhje me Kushtetutën. Kjo qasje vë në pah kontrastin me diskursin e Vetëvendosjes dhe kryeparlamentarit Dimal Basha, i cili, pavarësisht mungesës së nënkryetarit serb, shpalli Kuvendin si të konstituuar. Ambasadorët jo vetëm që e kundërshtuan këtë lexim politik, por paralajmëruan edhe për rrezikun që sjell diskursi i kohëve të fundit, i cili, duke hedhur dyshime mbi vendimet gjyqësore, po minon besimin e publikut në sistemin e drejtësisë. Vetëvendosja, në vend që të japë sinjale kompromisi, ka hyrë në një narrativë përplasëse që sfidon aleatët ndërkombëtarë dhe vendimet gjyqësore. Ky diskurs, i dominuar nga retorika e konspiracionit dhe viktimizimit, rrezikon ta thellojë izolimin e Kosovës në arenën ndërkombëtare dhe ta kthejë bllokadën institucionale në krizë të zgjatur legjitimiteti.
