Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Mbretërisë së Bashkuar në Kosovë, Jonathan Hargreaves, ka shprehur mbështetje të plotë për Panelin e Ankesave dhe Parashtresave Zgjedhore, duke e cilësuar punën e tij si thelbësore për integritetin e zgjedhjeve. Në një deklaratë që shihet si mesazh i drejtpërdrejtë për Vetëvendosjen dhe kryeministrin Albin Kurti, ai theksoi se anëtarët e PZAP-it “nuk duhet t’i nënshtrohen presionit apo sulmeve politike”. Vetëvendosja ka tentuar disa herë të ndalojë Listën Serbe përmes KQZ-së, ndonëse ky institucion nuk është kompetent për vendime të tilla. Çdo përpjekje e deritanishme është rrëzuar nga PZAP si e kundërligjshme. Edhe vendimi i fundit i KQZ-së, i shtyrë përpara nga VV, për mos certifikimin e kandidatëve të Listës Serbe për zgjedhjet e 28 nëntorit, pritet të rrëzohet nga PZAP – një skenar tashmë i përsëritur që nxjerr në pah përpjekjet e Qeverisë Kurti për të ndikuar proceset zgjedhore.
