Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori gjerman në Kosovë, Jorn Rohde, ka bërë një thirrje për formimin sa më të shpejtë të një qeverie stabile dhe të aftë për të marrë vendime. Në një deklaratë publike, Rohde theksoi se Kosova ka një nevojë urgjente për një qeveri që mund të adresojë detyrat e rëndësishme vendore dhe ndërkombëtare që presin, duke u fokusuar në përparimin në çështje jetike. Ambasadori gjerman ka nënvizuar se ky mesazh i është përcjellë nga zëvendësi i tij dhe kolegët e Quint-it në një takim me Kryeministrin në detyrë, Albin Kurti. Ai ka theksuar se është shumë e rëndësishme që qeveria të formohet sa më shpejt për të përballuar sfidat e momentit dhe për të arritur përparim në proceset kyçe për të ardhmen e Kosovës. “Kosovës i nevojitet një qeveri stabile që është e aftë të marrë vendime. Më mirë dje se sa nesër. Shumë detyra të rëndësishme vendore dhe ndërkombëtare po presin, dhe është e nevojshme të ketë përparim në çështje jetike,” ka deklaruar Rohde.
