Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Gjermanisë në Kosovë, Jorn Rohde, ka dhënë një mesazh të prerë ndaj klasës politike kosovare, duke theksuar se përgjegjësia për zgjidhjen e ngërçit institucional i takon plotësisht politikanëve dhe jo Gjykatës Kushtetuese. Rohde shprehu shqetësimin për bllokimin e zgjatur të proceseve politike në vend, duke paralajmëruar se kjo situatë po e dëmton seriozisht reputacionin ndërkombëtar të Kosovës. “Nuk jam në pozitë për të vlerësuar vendimet e Gjykatës Kushtetuese, por ajo ka qenë shumë e qartë – zgjidhja i takon politikanëve. Më duket se po pritet që gjykata të luajë rolin e arbitrit kryesor, por ajo nuk mund ta bëjë punën e politikanëve”, u shpreh ambasadori. Rohde paralajmëroi se nëse kjo situatë vazhdon, Kosova rrezikon të humbasë rëndësinë e saj në arenën ndërkombëtare. “Nëse nuk ndodh asgjë, Kosova po e humb anijen. Relevanca e saj do të zbehet. Pa një qeveri funksionale dhe vendimmarrëse, nuk mund të mbeteni një aktor i rëndësishëm”, tha ai. Rohde iu bashkua thirrjeve të tjera ndërkombëtare për kompromis, duke përmendur edhe kolegun e tij francez, i cili kohët e fundit kishte bërë një apel të ngjashëm për zgjidhjen e krizës politike në vend.
