Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Gjermanisë në Kosovë, Jorn Rohde, ka shprehur habinë e tij lidhur me mungesën e përfaqësuesve të lartë të qeverisë në ceremoninë solemne të dorëzim-pranimit të detyrës së kryetarit të Gjykatës Kushtetuese. Në këtë ceremoni, kryetarja në largim, Gresë Caka-Nimani, ia dorëzoi detyrën kryetarit të ri, Nexhmi Rexhepi. Rohde, përgëzoi të dy liderët për përkushtimin e tyre ndaj Gjykatës Kushtetuese dhe theksoi rëndësinë e kësaj gjykate në mbështetje të sundimit të ligjit dhe demokracisë në Kosovë. Jam dakord me z. Aivo, se roli i Gjykatës Kushtetuese në mbështetjen e sundimit të ligjit dhe demokracisë është i domosdoshëm. Është e habitshme që asnjë qeveritar i lartë nuk mori pjesë në seancën solemne të djeshme për të vlerësuar punën e Gjykatës, shkroi ai.
