Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Gjermanisë në Kosovë, Jorn Rohde, ka shprehur mbështetje të plotë për protestën e shoqërisë civile që u zhvillua para Kuvendit të Kosovës, në seancën e 37-të konstitutive të radhës që dështoi sërish të prodhojë institucione. Rohde tha se Kosova ka nevojë urgjente për institucione funksionale dhe u bëri thirrje deputetëve të zgjedhur që të veprojnë në interes të vendit. “Populli pret lidership, jo ngërç politik. Është koha që deputetët e zgjedhur të veprojnë në interes të Kosovës: së pari shteti, pastaj politikat partiake. Konsensusi nuk është dobësi, është përgjegjësi,” theksoi ambasadori gjerman. Situata e bllokuar në Kuvend vjen pas dështimit të shumicës aktuale për të zgjedhur kandidatin e propozuar për kryetar të Kuvendit dhe pamundësisë për të votuar edhe një komision për votim të fshehtë. Rohde u rreshtua krah kërkesave të shoqërisë civile për zhbllokim institucional dhe rikthim të funksionalitetit demokratik.
