Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lidhjes Demokratike të Kosovës, Arben Gashi, ka reaguar lidhur me tensionet politike për konstituimin e Kuvendit, duke theksuar se as shumica parlamentare dhe as pakicat etnike nuk kanë të drejtë të bllokojnë procesin institucional. Sipas tij, praktikat e deritanishme nuk duhet të shndërrohen në precedentë që paralizojnë institucionet, ndërsa Gjykata Kushtetuese ka përgjegjësinë të japë një vendim që ruan funksionalitetin e shtetit. “Në interes afatgjatë të Kosovës është që parimi i shumicës të vlejë edhe për nënkryetarët nga komunitetet jo shumicë”, u shpreh ai, duke shtuar se minoritetet kanë obligim të bashkëpunojnë për të gjetur një kandidat të pranueshëm. Gashi paralajmëroi se bllokadat e qëllimshme mund të prodhojnë kriza të panevojshme dhe të dëmtojnë kredibilitetin e institucioneve. Ai nënvizoi se vetëm respektimi i parimeve demokratike dhe shmangia e tekave politike do të garantojnë stabilitet dhe funksionim normal të shtetit.
