Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati Ardian Bajraktari ka kërkuar që Gjykata Speciale t’i shpallë të papranueshme provat e ofruara nga autoritetet serbe të kohës së regjimit të Millosheviqit. Ai thekson se këto prova bien ndesh me rregullin 138 të Rregullores së Procedurës dhe Provave të gjykates speciale, e cila ndalon përdorimin e provave të siguruara përmes shkeljeve ligjore apo në kundërshtim me të drejtën ndërkombëtare. Bajraktari argumenton se provat e marra nga një regjim i njohur për veprime gjenocidale, të cilat sollën edhe ndërhyrjen e NATO-s, jo vetëm që janë të pabesueshme, por edhe dëmtojnë rëndë integritetin e procesit gjyqësor. Ai thotë se në rrethanat konkrete, janë plotësuar të gjitha kushtet ligjore që këto prova të hidhen poshtë. Sipas tij, vazhdimi i përdorimit të materialeve të tilla nga një shtet që ka synuar zhdukjen e popullsisë shqiptare në Kosovë, vetëm sa e përforcon perceptimin për mungesë të drejtësisë në këtë proces.
