Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet e vendit kanë uruar besimtarët katolik për Festën e Pashkëve. Kryetarja, Vjosa Osmani ka vlerësuar se “Festa e Pashkëve personifikon dashurinë dhe sakrificën për njerëzimin. Pashkët ringjallin shpresën për ditë më të mira, drejt një të ardhmeje me besim e shpresë, ndaj uroj që secila familje të rrethohet nga dashuria, paqja dhe gëzimi!”. Edhe lideri i Aleancës për Ardhmërinë e Kosovës, Ramush Haradinaj ka uruar të gjithë besimtarët katolik dhe të krishterë me rastin e festës së Pashkëve. Uroj posaçërisht Imzot Dodë Gjergjin dhe Kishën Katolike në Kosovë. Urim të veçantë për Atin e Shenjtë, Papa Françeskun dhe bashkëpunëtorët, duke shpresuar për njohjen sa më parë të Kosovës nga Selia e Shenjtë”, ka shkruar lideri i Aleancës për Ardhmërinë e Kosovës, Ramush Haradinaj. Për festën e Pashkëve qytetarët e besimit katolik janë uruar edhe nga kryetar të partive tjera por edhe autoritetet më të larta të Shqipërisë, kryetarit, Bajram Begaj, kryeministri, Edi Rama dhe autoritete tjera.
