Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lidhjes Demokratike të Kosovës, Avdullah Hoti, ka reaguar ndaj deklaratave të fundit të presidentes Vjosa Osmani gjatë vizitës së saj në Washington, duke e akuzuar për hipokrizi dhe ndryshim qëndrimesh për përfitime politike. Hoti rikujton se Osmani dikur e kishte cilësuar Marrëveshjen e Uashingtonit si “cenim të rendit kushtetues dhe rrezik për shtetin”, ndërsa tani, pesë vjet më vonë, ajo e përshkruan si një “marrëveshje të mirë” dhe madje pretendon se është zbatuar nga institucionet e Kosovës. “Kjo është ajo që ndodh kur fitimi dhe mbajtja e pushtetit bëhet më i rëndësishëm se interesi shtetëror. Marrëveshja që dikur e luftonte për vota, sot shërben për lavdi të rreme”, shkroi Hoti. Ai e përmbylli reagimin me një deklaratë të ashpër: “Asgjë e re nga Osmani, vetëm hipokrizi e radhës!”
