Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lidhjes Demokratike të Kosovës, Avdullah Hoti, ka kritikuar Lumir Abdixhikun, kryetarin e këtij subjekti politik, për largimin e Agim Veliut nga pozita e kryetarit të degës në Besianë. Ai ka thënë se kjo si formë e veprimit nuk është mënyra e duhur, duke shtuar se kanë nevojë t’i ruajnë njerëzit e LDK-së. “Kemi pasur disa veprime, të cilat po të isha unë në pozitën e Lumir Abdixhikut nuk do t’i kisha ndërmarrë, siç e kemi rastin e Podujevës. Në këtë rezultat, ajo që kemi nevojë është t’i kemi të gjithë njerëzit rreth tavolinës, mos të themi ti s’ke vend në tavolinë. Kjo si qasje mendoj se është e gabuar, është edhe jo statutare, statuti i LDK-së është i qartë në këtë”, ka theksuar ai. Hoti ka thënë se Abdixhiku është zgjedhur si i pari i partisë në një fazë jo të mirë të saj, kjo pas rezulatit në zgjedhjet e fundit parlamentare të 14 shkurtit.
