Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri i Kosovës, Avdullah Hoti, ka deklaruar se masat ndëshkuese të Bashkimit Evropian kanë shkaktuar kosto të rëndë financiare për vendin. Sipas tij, për periudhën qershor 2023 – prill 2025, dëmi arrin në 613.4 milionë euro. Kjo shumë përfshin projektet që janë pezulluar për një afat të pacaktuar si pjesë e sanksioneve të vendosura nga Brukseli. Hoti ka sqaruar se nga kjo shumë, 7.1 milionë euro janë fonde të humbura përfundimisht, të cilat ishin paraparë për sektorë si bujqësia, turizmi rural dhe ndërmarrjet. Sipas tij, sektorët më të prekur nga masat janë mjedisi me 351 milionë euro, energjia me 114 milionë euro, digjitalizimi me 57 milionë euro dhe kultura me 15 milionë euro.
