Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i Pjetër Shalës ka thënë se është i zhgënjyer nga Zyra e Prokurorit të Gjykatës Speciale, pasi kam ndjesinë që ka njëfarë nxitimi për përfundim të çështjes apo mos t’i japin kohë mbrojtjes të prezantojë provat e veta nga kolegët e Zyrës së Prokurorit , ka thënë Gilissen. Ai ka pyetur çfarë po ndodh dhe se nga çfarë ka frikë Prokuroria apo mos ka frikë të dëgjojë disa persona që kanë qenë pjesë e Ushtrisë Çlirimtare të Kosovës, dhe a ka frikë nga realiteti, por nga ana e Prokurorisë nuk ka pasur asnjë koment.
Paraprakisht, prokurori, Filippo De Miniçi, ka thënë se mbrojtja duhet të tregojë se cilat pjesë të dëshmive të dëshmitarëve ndërkombëtarë bien ndesh me dëshmitë e dëshmitarëve konkret në këtë çështje. Sipas tij nuk kuptohet rëndësia e lëvizjes së Brigadës 128 dhe provat lidhur me të, duke i cilësuar si deklarime shumë të përgjithshme. Ndërsa avokati Muhamed Hedi Aiuni, ka deklaruar se përderisa Zyra e Prokurorit të pretendon se Shala ka qenë në Brigadën 128, ne do të sjellim dëshmitarë që tregojnë se kjo nuk është e vërtetë. Do sjellim të tillë që kanë punuar në logjistikë në këtë fabrikë që nuk e kanë parë Shalën aty ose e kanë parë vetëm një ditë, ka marrë armët dhe ka shkuar të luftojë për kombin e tij, ka saktësuar avokati. Muhamed Aiuni.
