Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Shqipërisë, Bajram Begaj, ka njoftuar për një takim që ka zhvilluar me homologun e tij kroat, Zoran Milanoviq, në selinë e Kombeve të Bashkuara në New York, ku po mbahet sesioni i 80-të i Asamblesë së Përgjithshme. Begaj e ka vlerësuar Milanoviqin si një mik të madh të Shqipërisë dhe të shqiptarëve, duke theksuar mbështetjen e vazhdueshme të Kroacisë për integrimin evropian të Shqipërisë. “Në selinë e OKB-së me mikun tim dhe të shqiptarëve, Presidentin e Kroacisë, Zoran Milanović, mbështetës i fortë i anëtarësimit të Shqipërisë në Bashkimin Evropian”, ka shkruar Begaj në rrjete sociale. Ai ka shtuar se partneriteti strategjik ndërmjet dy vendeve, në kuadër të NATO-s dhe BE-së, është një element kyç për paqen, sigurinë dhe stabilitetin në Ballkanin Perëndimor. Kroacia, si një vend anëtar i BE-së dhe NATO-s, është shprehur vazhdimisht në favor të zgjerimit të Unionit drejt vendeve të rajonit, ndërsa Tirana dhe Zagrebi kanë konsoliduar bashkëpunimin e tyre në disa fusha, nga mbrojtja deri te zhvillimi ekonomik.
