Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Republikës së Shqipërisë, Bajram Begaj, ka shprehur sot mbështetjen e tij të fuqishme për Ushtrinë Çlirimtare të Kosovës, duke e cilësuar atë si themeli i lirisë së shtetit të Kosovës dhe krenari e historisë kombëtare shqiptare. Në një postim në rrjetin social Facebook, i shoqëruar me pamje nga protesta madhështore në sheshin “Skënderbej” në Tiranë, Begaj shkroi: “UÇK-ja është themeli i lirisë së Kosovës. Ajo është krenari e historisë sonë kombëtare. Askush nuk mund të zhbëjë këtë trashëgimi trimërie, sakrifice e heroizmi.” Protesta në përkrahje të ish-krerëve të UÇK-së që po gjykohen në Hagë filloi pasditen e sotme me intonimin e himnit kombëtar, duke bashkuar mijëra qytetarë nga të gjitha trojet shqiptare në një atmosferë uniteti, krenarie dhe mirënjohjeje për ata që sollën lirinë.
