Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Barometri Ballkanik, duke ofruar shifra sa i takon emigracionit, mbështetur në një anketë publike ka nxjerrë përfundime se , 16% e qytetarëve në Shqipëri kanë bërë plan për të emigruar dhe po ashtu edhe 20% e shqiptarëve në Kosovë e kanë një plan të tillë. Kështu bën me dije publikimi, i cili mbështetet në anketimet e kryera gjatë vitit 2024, sa i takon të gjithë rajonit. Në bazë të të dhënave të publikuara, Kosova është në situatën më kritike, pasi 20% e qytetarëve atje kanë bërë një plan emigrimi. Kështu, duke reflektuar se emigracioni masiv vijon të jetë problematik. Shqipëria ndërkaq paraqitet në kuotën e 16% dhe e ndan të njëjtën pozitë me Maqedoninë e Veriut. Të dy vendet shfaqin shifra të larta dëshire dhe planesh për emigracion nga qytetarët e tyre dhe qëndrojnë mbi mesataren rajonale, e cila është 13%. Mali i Zi ndërkaq ndalet në një shifër prej 12% të qytetarëve, të cilët kanë kryer plane emigracioni nga vendi. Ndërsa, me më së pakti nga rajoni, shihen Bosnjë dhe Hercegovina dhe Serbia. E para, me 8% të qytetarëve, që kanë plan të ikin dhe e dyta, me 6%, duke pasur edhe primatin në rajon.
