Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Evropian ka ndarë edhe 7.5 milionë euro shtesë për Kosovën në kuadër të Pakos së Mbështetjes Energjetike, duke theksuar përkushtimin e tij për mbështetjen e tranzicionit të gjelbër dhe energjisë së qëndrueshme në vend. Sipas Zyrës së BE-së në Kosovë, fondet u disbursuan më 19 gusht 2025 dhe janë pjesë e ndihmës totale prej 75 milionë eurosh që BE-ja ka ofruar deri tani për sektorin energjetik të Kosovës. Kjo mbështetje ka sjellë rezultate konkrete:
- Mbi 200,000 familje kanë përfituar ndihmë për pagesën e faturave të energjisë,
- Janë rinovuar mbi 3,600 shtëpi për të rritur efiçiencën energjetike,
- 28 objekte banimi të familjeve të cenueshme janë në proces rinovimi,
- Mbi 40,000 familje dhe 154 biznese janë pajisur me panele solare dhe teknologji për kursimin e energjisë.
“BE-ja qëndron pranë Kosovës dhe popullatës së saj në rrugën drejt energjisë së qëndrueshme, dekarbonizimit dhe sigurisë energjetike”, thuhet në njoftimin zyrtar.
