Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një ditë pas raportimit të mediave se Bashkimi Evropian nuk do të heqë masat ndaj Kosovës pas transferimit të pushtetit lokal në veri, zyrtarë nga Brukseli konfirmojnë se janë të gatshëm të angazhohen me autoritetet e Kosovës vetëm pas zgjedhjeve parlamentare të 28 dhjetorit. BE-ja thekson rëndësinë e rikthimit të Kosovës në trajektoren e reformave të domosdoshme dhe përparimit në dialogun me Serbinë si kushte për avancim drejt integrimit evropian. Megjithëse dorëzimi i pushtetit në komunat veriore është realizuar pa probleme, siç ka vlerësuar shefi i Zyrës së BE-së në Prishtinë, Aivo Orav, bllokimi i heqjes së masave nga disa vende anëtare tregon një mungesë të qartë koordinimi dhe një lojë të dyfishtë diplomatike. Masat e BE-së ndaj Kosovës u vendosën pas tensioneve të vitit 2023 në veri, ku vendimi i qeverisë për të dërguar kryetarët në objektet komunale shkaktoi përplasje dhe protesta, ku u sulmuan pjesëtarë të KFOR-it, Policisë së Kosovës dhe gazetarë. Megjithatë, vonesa e Brukselit për t’i hequr sanksionet, edhe pas një transferimi paqësor të pushtetit lokal, tregon një qasje të ngadaltë dhe të papërgjegjshme ndaj stabilitetit dhe zhvillimit të vendit.
