Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës shefja e Bashkimit Evropian në Kosovë, Eva Palatova, mori pjesë sot në hapjen e edicionit të nëntë të DISICON, ngjarje e organizuar nga NDI Kosova dhe partnerët ndërkombëtarë, e cila fokusohet në integritetin e informacionit në epokën dixhitale. Në fjalën e saj, Palotova theksoi angazhimin e BE-së për të adresuar sfidat e ngacmimeve online, deepfake-ve dhe trolling-ut që synojnë veçanërisht gratë në politikë. Ajo theksoi se përdorimi i inteligjencës artificiale në procese zgjedhore duhet të mbështetet në parime etike. Tema qendrore e këtij viti, “Zgjedhjet, IA dhe Etika”, u vlerësua si shumë e rëndësishme në kontekstin e rritjes së dezinformimit gjinor në rajon, i cili sipas saj ndikon në debatin publik dhe pjesëmarrjen politike të grave. BE-ja ka rikonfirmuar gatishmërinë për të bashkëpunuar me NDI Kosova dhe organizatat e tjera relevante për të ndërtuar një mjedis dixhital që mbron të drejtat, mbështet proceset demokratike dhe siguron që teknologjia të kontribuojë në fuqizimin e qytetarëve.
