Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i lartë i BE-së për politikën e jashtme, Josep Borrell, deklaroi se vendimi i Gjykatës Ndërkombëtare Penale (GJNP) për urdhër-arrestet ndaj kryeministrit izraelit Benjamin Netanyahu, ish-ministrit të Mbrojtjes Yoav Galant dhe liderit të Hamasit Mohammed Deif, duhet të respektohet dhe zbatohet.
Në një konferencë në Aman, me ministrin e Jashtëm të Jordanisë, Ayman Safadi, Borrell theksoi se ky është vendim gjyqësor dhe jo politik, i detyrueshëm për 124 shtetet anëtare të gjykatës.
Gjykata Ndërkombëtare Penale (GJNP) akuzon Netanyahun, Galantin dhe Deifin për krime lufte dhe krime kundër njerëzimit, lidhur me luftën në Gazë dhe sulmin e 7 tetorit të vitit të kaluar. Ky vendim teorikisht kufizon udhëtimet e Netanyahut, pasi shtetet anëtare janë të detyruara ta arrestojnë në territorin e tyre.
Sipas Izraelit, Mohammed Deif u vra më 13 korrik në një sulm në Gazë, por Hamas e ka mohuar këtë. Borrell pritet të largohet nga pozita e tij në dhjetor, për t’u zëvendësuar nga Kaja Kallas, ish-kryeministre e Estonisë.
