Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Odës së Mjekëve të Kosovës, Pleurat Sejdiu, ka shprehur shqetësimin për mungesën e një sistemi shëndetësor funksional në vend, duke theksuar se aktualisht ekzistojnë vetëm shërbime të pamjaftueshme. Sipas Sejdiut, vitet 2013-2015 përfaqësonin një mundësi të humbur për ndërtimin e bazave të një sistemi të qëndrueshëm, pasi ligjet e miratuara atëherë, përfshirë ligjin e shëndetësisë të vitit 2013, nuk u zbatuan në masën e nevojshme. Sejdiu kritikoi gjithashtu mungesën e përparimeve në krijimin e një sigurimi shëndetësor dhe të një sistemi informativ shëndetësor, të cilin ai e cilësoi si pjesë integrale për funksionimin efikas të sistemit. Ai theksoi se, pa zbatimin e ligjeve dhe pa këto përbërës thelbësorë, nuk mund të ketë një sistem të vërtetë shëndetësor që i shërben qytetarëve.
