Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryeministër nga Partia Demokratike e Kosovës, Bedri Hamza, ka reaguar ashpër pas vendimit të fundit të Dhomave të Specializuara në Hagë, që refuzoi mocionin e mbrojtjes për ish-krerët e UÇK-së. Hamza e ka cilësuar këtë vendim si “shumë zhgënjyes dhe arbitrar”, duke theksuar se ai po e cenon rëndë besimin e qytetarëve të Kosovës në sistemin e drejtësisë ndërkombëtare. “Shumë zhgënjyes vendimi i sotëm i trupit gjykues në Gjykatën Speciale për mocionin e mbrojtjes së ish-udhëheqësve të UÇK-së. Sjellja dhe vendimet arbitrare të Gjykatës Speciale po e minojnë besimin e popullit tonë në drejtësi dhe do të lënë pasoja të pariparueshme në sistemin juridik”, ka shkruar Hamza. Ai ka kujtuar se Gjykata Speciale ishte krijuar si një akt besimi ndaj drejtësisë ndërkombëtare, por tani, sipas tij, kjo gjykatë po perceptohet si instrument për realizimin e agjendave politike. Në reagimin e tij, Hamza ka qenë i prerë në qëndrimin se Kosova nuk do të lejojë komprometimin e luftës për liri dhe rishkrimin e historisë, duke nënvizuar se UÇK-ja është një pjesë e pandashme e identitetit të shtetësisë kosovare.
