Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Bedri Hamza, ka pritur në takim ambasadorin e Bashkimit Evropian në Kosovë, Aivo Orav, në takimin e tij të parë me diplomatin evropian pas marrjes së detyrës si lider partie. Hamza theksoi se prioriteti i një qeverie të udhëhequr nga PDK-ja do të jetë heqja sa më e shpejtë e masave sanksionuese të Bashkimit Evropian ndaj Kosovës, duke theksuar se ato po pengojnë projektet zhvillimore dhe procesin e integrimit evropian. “Një Kosovë më e zhvilluar dhe e integruar në familjen evropiane është synimi ynë. Këtë perspektivë e diskutova sot me Ambasadorin e BE-së, Aivo Orav. Qeveria e re e udhëhequr nga PDK-ja do të angazhohet që BE-ja dhe shtetet anëtare t’i heqin sa më shpejt masat sanksionuese ndaj Kosovës, në mënyrë që vendi të përfitojë nga projektet e përafrimit me BE-në”, deklaroi Hamza. Ai shtoi se PDK-ja mbetet e përkushtuar ndaj dialogut të hapur me partnerët ndërkombëtarë, me synimin që Kosova dhe rajoni të ecin drejt një të ardhmeje të sigurt dhe të integruar në Bashkimin Evropian.
