Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti dhe veprimtari i njohur, Behxhet Sh. Shala – Bajgora, ka reaguar me tone të ashpra ndaj vizitës së fundit të liderëve të Vetëvendosjes te varri i Adem Demaçit. Në një shkrim të publikuar të premten, më 20 qershor, Shala e ka cilësuar këtë vizitë si “shkelje të rëndë të parimeve morale”, duke e përshkruar si hipokrizi dhe përfitim politik mbi sakrificën e një figure që, sipas tij, ishte mishërimi i lirisë së shqiptarëve. “Vizita e fundit e trojkës antidemaçiane: Albin Kurti, Xhelal Sveçla dhe Donika Gërvalla – të cilën Shala e quan ‘Marimanga e Zezë’ – paraqet mungesë respekti, pafytyrësi dhe perversitet”, shkruan ai. Shala kujton figurën e Adem Demaçit si një ndër ikonat më të mëdha të lirisë kombëtare, që përjetoi sakrifica të mëdha, por që në fund u la i vetëm dhe u përdor politikisht nga ata që më pas e harruan. “Baca Adem ishte realitet, jo mit. Ishte përfytyrimi i lirisë që nuk i takon vetëm një kohe, por gjithë njerëzimit”, shkruan Shala, duke theksuar se Demaçi u refuzua të bëhej president apo kryeministër pikërisht nga të njëjtit që sot vizitojnë varrin e tij për përfitime politike. Në mënyrë të drejtpërdrejtë, Shala kritikon Albin Kurtin për hipokrizi, duke kujtuar se ishte ai që – sipas tij – refuzoi mbështetjen institucionale për Demaçin dhe që e la të vetmuar në momentet më të vështira. Ai gjithashtu akuzon udhëheqjen aktuale për qëndrimet kundër UÇK-së, për ndihmën ndaj Gjykatës Speciale dhe për përndjekjen e veteranëve dhe të burgosurve politikë. “Kur i përndiqni të gjallët që janë me Bacën, mos i trazoni të vdekurit për përfitim. Kjo nuk është respekt, është fyerje e kujtesës kolektive,” përfundon reagimin e tij Shala, duke shtuar se shqiptarët nuk e meritojnë këtë mungesë dinjiteti ndaj figurave më të ndritura të kombit.
