Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Bekim Haxhiu, përmes një postimi ka folur për 180 mijë vaksinat e AstraZenecas që Norvegjia ia ka dhuruar së fundmi Kosovës. Ai ka thënë se një pjesë prej këtyre vaksinave, iu skadon afati brenda shtatë ditëve, duke e cilësuar kështu këtë lajm si “mashtrim të radhës së Qeverisë Kurti”. “Ndihma e trumbetuar nga Norvegjia në bashkëpunim me Lajçakun për furnizim me vaksina për Qeverinë Kurti 2 është mashtrimi i radhës. Vaksinat AstraZeneca që Norvegjia i ka larguar nga përdorimi muaj më parë tani ia kanë ofruar si ndihmë Kosovës, por që fatkeqësisht një pjese nga ky donacion u skadon afati i përdorimit vetëm edhe 7 ditë! Kështu ndodhe kur Qeveria e Kosovës dështon të sigurojë vaksina vetë dhe të tjerët ia dhurojnë pjesën e vaksinave të cilave u skadon afati i përdorimit”, ka shkruar Haxhiu. Ai ka thënë se edhe për këtë donacion do të kërkojnë qasje në dokumente për të dëshmuar vërtetësinë e këtij veprimi “skandaloz”.
