Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik Blerim Canaj ka deklaruar se, pavarësisht fitores së madhe të Lëvizjes Vetëvendosje në zgjedhjet e fundit, nuk po shihet një vullnet i mjaftueshëm politik për formimin e qeverisë së re. Canaj u shpreh se mungesa e interesimit për ndërtimin e institucioneve nuk lidhet vetëm me partitë opozitare, por edhe me subjektin fitues të zgjedhjeve. “Madje as partia fituese… nuk e përjashtoj mundësinë që ne të shkojmë në zgjedhje edhe njëherë”, tha ai. Sipas Canajt, nëse do të ekzistonte një interes real për krijimin e qeverisë dhe funksionalizimin e institucioneve, dinamika politike do të ishte dukshëm më aktive dhe më konstruktive. “Po të kishte një interesim për ndërtimin e qeverisë, për ndërtimin e institucioneve, mendoj që edhe elani për të arritur deri aty do të ishte krejt tjetër dhe krejt ndryshe”, theksoi ai. Canaj paralajmëroi gjithashtu se hezitimi i klasës politike për t’u përballur me temat dhe sfidat që e presin vendin mund të prodhojë pasoja serioze, madje edhe tendenca për dobësimin e vetë sistemit politik në Kosovë.
