Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Blerta Deliu, ka kritikuar mbajtjen e Konferencës së Ambasadorëve pa pjesëmarrjen e Presidentes së vendit, duke e cilësuar këtë si një tregues të qartë të përçarjes institucionale. Sipas saj, kjo situatë ndodh në një kohë kur raportet mes Presidencës dhe Qeverisë janë të acaruara, duke reflektuar krizë të brendshme në udhëheqjen e diplomacisë së vendit. “Në kulmin e sfidave diplomatike, sanksione nga BE-ja, mungesë njohjesh të reja dhe ngecje në anëtarësime ndërkombëtare, Kosova mban Konferencën e Ambasadorëve pa pjesëmarrjen e Presidentes, e cila, sipas Kushtetutës, udhëheq politikën e jashtme dhe emëron ambasadorët. Mungesa e saj nuk është thjesht çështje protokolli, por mesazh i qartë për përçarjen institucionale”, ka deklaruar Deliu. Ajo ka theksuar se në vend që Kosova të projektojë unitet përballë botës, po dërgon sinjale të krizës së brendshme. “Pse mungoi Presidentja në një forum ku diskutohet drejtimi strategjik i diplomacisë sonë? Çfarë mesazhi po dërgojmë, brenda dhe jashtë vendit, me këtë mungesë?”, ka shtuar deputetja e PDK-së.
