Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i Agjencisë për Menaxhimin e Memorialeve të Kosovës (AMMKM), z. Imer Hakaj, në bashkëpunim me përfaqësuesit e Shoqatave të dala nga Lufta e lavdishme e UÇK-së, fton të gjithë qytetarët e Istogut dhe mbarë Kosovës që të bashkohen nesër, më 12 qershor 2025 (e enjte), në një ngjarje me rëndësi të veçantë kombëtare – përmbylljen e fazës së parë të procesit të zhvarrimit, i cili është pjesë e punës institucionale të AMMKM-së, i udhëhequr me përkushtim të lartë nga drejtori Hakaj dhe stafi profesional i agjencisë.
Ky proces nderon sakrificën sublime të Heroinës së Lirisë, dëshmores Myrvete Maksutaj, nga Istogu, për të cilën do të zhvillohet një ceremoni zyrtare me nderime ushtarake dhe me pjesëmarrjen e institucioneve të rendit.
Ceremonia e zhvarrimit do të mbahet pranë varrezave afër shkollës së fshatit Kaliqan, në Orroberdë të Istogut, me fillim nga ora 16:00.
Ftohen të gjithë bashkëluftëtarët, qytetarët, institucionet dhe shoqatat që të marrin pjesë në këtë ceremoni nderimi, duke treguar edhe një herë mirënjohjen dhe respektin për Dëshmorët e Lirisë së Kosovës.
Pjesëmarrja juaj është nderim për të kaluarën dhe përgjegjësi për të ardhmen.
