leoni

Certifikohen edhe 28 mësimdhënës nga projekti KosEd

04/07/2025 Institucionet

Në një ceremoni të organizuar nga Drejtoria për Arsim dhe Edukim në Malishevë, në bashkëpunim me Institutin Pedagogjik të Kosovës, u ndanë certifikatat për 28 mësimdhënës në kuadër të projektit “Ngritja e kapaciteteve për rishikim dhe përmirësim të teksteve shkollore”.

Enver Mazreku dhe Remzi Buçaj përfaqësuan Drejtorinë për Arsim dhe Edukim në Malishevë. Në këtë rast, Mazreku foli për rëndësinë e trajnimit për përmirësimin e cilësisë së teksteve dhe profesionalizimin e mësimdhënësve. Ai tha se rishikimi i teksteve duhet të jetë proces i vazhdueshëm, në përputhje me zhvillimet teknologjike.

Bekim Morina nga Instituti Pedagogjik vlerësoi angazhimin e mësimdhënësve të Malishevës dhe rëndësinë e kontributit të tyre në hartimin e raporteve për MASHTI-n. Po ashtu, u angazhua edhe profesoresh, Tringa Dedi, si mbështetëse e mëtejme e bashkëpunimit.

Në fund, në emër të të gjithë mësimdhënësve, falënderoi pedagogu Mifal Krasniqi.

Projekti u financua nga Komisioni Evropian përmes KosEd, në bashkëpunim me MASHTI-n dhe Drejtorinë për Arsim dhe Edukim (DKAE) në Malishevë.

Kontrolloni gjithashtu

Kryetari Haliti uron 4 Korrikun – Dita e Pavarësisë së Shteteve të Bashkuara të Amerikës

Në emër të qytetarëve të Komunës së Vitisë dhe Institucioneve komunale, kam kënaqësinë dhe nderin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara