Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Senatori demokrat amerikan, Kris Mërfi, në një reagim me shkrim pas lirimit të liderit të formacionit paramilitar, Milan Radojçiq, i cili ka kryer aktin terrorist në Banjskë të Zveçanit më 24 shtator, ka shkruar se lirimi i Radojçiqit, nxitë tensionim edhe më të më të madh të situatës si dhe “minim i mëtejmë” të perspektivës së zbatimit të marrëveshjes së Ohrit për normalizim të marrëdhënieve Kosovë-Serbi. Ai iu ka drejtuar kryetarit të Serbisë, Aleksandër Vuçiq, me kërkesë që të ndërmarrë masa të menjëhershme, pas lirimit të Radojçiqit, dhe të detyrohet të japë llogari për veprimet e tij. Autorët që së fundi vranë një rreshter të policisë së Kosovës në veri të Kosovës duhet të mbajnë përgjegjësi. Pasojat e atij sulmi mund të kishin qenë katastrofike- armatimi i avancuar dhe niveli i sofistikimit të përdorur tregojnë se kjo ishte një përpjekje e mirëkoordinuar dhe e qëllimshme për të provokuar një konflikt më të gjerë të dhunshëm, saktësoi, Senatori demokrat amerikan, Kris Mërfi.
