Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës,Vlora Çitaku, i është përgjigjur deklaratës së deputetes së Lëvizjes Vetëvendosje, Albulena Haxhiu, e cila tha se po e demanton Çitakun, duke ndarë një sekuencë nga konferenca e saj ku theksoi se “aktgjykimet e Gjykatës Kushtetuese zbatohen”. Çitaku e ka cilësuar këtë si “lajm të mirë” në njërën anë, pasi sipas saj, kjo tregon se LVV më në fund e ka kuptuar se vendimet e Gjykatës Kushtetuese nuk negociohen, por zbatohen. “Ky nuk është demantim i deklaratave të mia, por shpallje publike e pavlefshmërisë së qëndrimeve tuaja”, ka shkruar Çitaku. Sipas saj, deklarata e Haxhiut përbën një ndryshim të dukshëm nga qëndrimet e mëhershme të LVV-së mbi vendimet e Gjykatës Kushtetuese.
