Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Daut Haradinaj, ka reaguar pas një muaji nga arrestimi i qytetarit të Kosovës, Arbnor Spahiu, në Serbi. Ai e cilëson këtë arrestim si një akt politik dhe një formë të qartë të kidnapimit nga regjimi i presidentit serb, Aleksandar Vuçiq. Sipas Haradinajt, Serbia vazhdon të sillet si një shtet i vetë-kapur nga kasta e vjetër politike, duke shkelur të drejtat e njeriut dhe çdo normë ndërkombëtare. Ai ka kërkuar që çdo takim bilateral me Serbinë të kushtëzohet me lirimin e pakushtëzuar të Spahiut. Në reagimin e tij, Haradinaj u ka bërë thirrje të gjithë pjesëtarëve të sektorit të sigurisë dhe ish-ushtarëve të UÇK-së që të shmangin udhëtimin përmes territorit të Serbisë, duke e konsideruar atë të rrezikshëm për qytetarët e Kosovës.
