Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetët serbë të Kuvendit të Kosovës po qëndrojnë në objektin e Kuvendit dhe deklarojnë se nuk e kanë në mendje të dalin nga aty deri të takohen me komisionerin e BE-së, Johannes Hahn, i cili pas vizitës në Beograd vjen në Kosovë me qëllim ta bind Qeverinë Haradinaj t’ i heq taksat 100% ndaj prodhimeve të Serbisë që shiten në Kosovë. Kryetari i Listës Serbe, Goran Rakiq të cilin e manipulon Beogradi zyrtar, ka njoftuar se pas takimit të jashtëzakonshëm të të ashtuquajturit shtab i krizës në Mitrovicë, deputetët serbë kanë hyrë në ndërtesën e Kuvendit të Kosovës. “Momentalisht jemi duke u kthyer nga takimi i shtabit të krizave dhe dëshiroj të ju njoftoj se përfaqësuesit e Listës Serbe kanë hyrë në Kuvend në Prishtinë ku do të qëndrojnë deri në ardhjen e Hahnit të cilin do ta njoftojmë me hapat anti-serbë që çojnë kah katastrofa humanitare”, ka thënë Rakiqi. Komisioneri Hahn do të arrijë në Kosovë tek nesër, kështu që deputetët serbë të Kuvendit të Kosovës, u duhet të bëjnë gjumin në objektin e Kuvendit. Serbët në Kosovë ndihen të rrezikuar nga taksa. meqë ata blejnë vetëm prodhime të Serbisë.
