Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Komisionin për Politikë të Jashtme të Kuvendit të Maqedonia e Veriut ka dështuar miratimi i propozim-rezolutës që kishte të bënte me respektimin e standardeve të procedurave penale ndaj ish-krerëve të UÇK-së, për shkak të mungesës së kuorumit. Mbledhja nuk u zhvillua pasi deputetët maqedonas nga VMRO-DPMNE dhe LSDM bojkotuan seancën, duke pamundësuar shqyrtimin e pikës në rend dite. Deputeti Skënder Rexhepi nga Fronti Evropian deklaroi se mungesa e deputetëve ishte e qëllimshme dhe synonte sabotimin e punës së komisionit, në mënyrë që rezoluta të mos arrinte në debat parlamentar. Ndërkohë, deputetja Ilire Dauti e cilësoi të papranueshme bojkotin, duke shtuar se, për shkak të kësaj situate, përfaqësuesit shqiptarë do t’u bashkohen qëndrimeve dhe rezolutave të miratuara në Shqipëri dhe Kosovë. Meqenëse propozim-rezoluta nuk kaloi filtrin e komisionit parlamentar, ajo nuk do të procedohet për votim në seancë plenare, çka e bën të pamundur miratimin e saj në këtë fazë.
