Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Raportuesi për Kosovën në Parlamentin Evropian, Riho Terras, ka publikuar draft-raportin për zhvillimet në Kosova, ku viti 2025 cilësohet si një “vit i humbur” për shkak të ngërçit të gjatë politik dhe paralizës institucionale. Sipas dokumentit, bllokada politike gjatë vitit 2025 ndikoi negativisht në funksionimin e institucioneve dhe në proceset reformuese të vendit. Megjithatë, raporti mirëpret formimin e institucioneve të reja pas zgjedhjeve të parakohshme parlamentare të mbajtura në dhjetor 2025 dhe krijimin e Kuvendit dhe Qeverisë së re më 12 shkurt 2026. Në raport shprehet gjithashtu keqardhje që Kuvendi i Kosovës nuk arriti të zgjedhë presidentin brenda afatit kushtetues, duke e shtyrë vendin drejt zgjedhjeve të reja dhe duke çuar në shpërndarjen e Kuvendit me dekret nga presidentja Vjosa Osmani në mars 2026. Draft-raporti rithekson edhe mbështetjen për aplikimin e Kosovës për anëtarësim në Bashkimi Evropian, i dorëzuar në dhjetor 2022, duke u bërë thirrje pesë vendeve anëtare të BE-së që ende nuk e kanë njohur Kosovën ta bëjnë këtë hap për të lehtësuar avancimin e saj në procesin integrues. Po ashtu, raporti kërkon nga institucionet kosovare të përshpejtojnë reformat që lidhen me integrimin evropian, veçanërisht në fushën e sundimit të ligjit dhe mbrojtjes së lirive themelore. Në planin ndërkombëtar, Parlamenti Evropian konfirmon mbështetjen për anëtarësimin e Kosovës në Këshilli i Evropës dhe për përfshirjen e saj në programin e NATO të quajtur Partneriteti për Paqen.
