Edhe një rrugë e re në qytetin e Ferizajt

Tema të tjera...

Kryetari Latifi diskuton me të rinjtë hapat e radhës që Rahovecin ta bëjnë atraktiv për të punuar, investuar dhe krijuar

03/09/2025

Kryetari Smajl Latifi priti në zyrën e tij, Feride Rushitin nga Qendra Kosovare për Rehabilitimin e të Mbijetuarve të Torturës

03/09/2025

Në Mirash po vazhdojnë me intensitet të shtuar punimet për ndërtimin e rrugës kryesore  

03/09/2025

Kryetari Sokol Haliti, priti në takim përfaqësuesit e Caritasit të Zvicrës

03/09/2025

U mbajt sesioni informues mbi të drejtat pronësore dhe mjetet juridike në dispozicion

03/09/2025

Kryetari Smajl Latifi ofron mbështetje për gratë në sektorin e bujqësisë, në punët artizanale në politikë e vendimmarrje

03/09/2025

Të hënë në Ferizaj, ka filluar të bëhet rregullimi i rrugës “Beteja e Koshares”.

Për të parë nga afër punimet në këtë rrugë doli edhe numri një i qytetit të Ferizajt, Muharrem Svarqa me bashkëpunëtoret e tij. Ai këtë rrugë e ka konsideruar të një rëndësie të veçante me vet faktin se lidh dy rrugë kryesore atë “Sejdi Sejdiu” dhe rrugën “Skënderbeu”, ndërkaq një segment tjetër i kësaj rrugë lidhet edhe me rrugën “Mbretëresha Teutë”.

“Është një projekt tepër i rëndësishëm i cili i ka munguar qytetit të Ferizajt, jemi këtu në zemrën e qytetit që tregon neglizhencën e të gjitha pushteteve për rrugët në afërsi të qytetit,  për rrugët që kanë qenë të pa rregulluara, ndërkaq këtu kemi të bëjmë me specifika tjera, kemi të bëjmë  me ngritjen  e pusetave dhe me rregullimin e kapakëve të pusetave për mbajtjen e  peshave mbi 40 tonë, edhe përkundër asaj që kjo rrugë shtrohet me kubëza dhe është paraparë  që të qarkullojnë pesha të rënda. Por realisht ne gjendemi pikërisht në njërën degë të lumit Nerodime,  e cila për fat të keq me një vendim të para luftës të viteve të 80-ta,  ka përfunduar nën tokë dhe ka humbur edhe bukurinë, por edhe funksionin e atij lumi. Do të ishte tepër mirë që në ndonjë të ardhme do të ekzistonte mundësia e dikujt qoftë në pushtet sot,  ose ata që vinë nesër që të jenë të vëmendshëm dhe ta zbulojnë këtë lum ose t’ia ndërrojnë rrjedhën  këtij lumi i cili është tepër i rëndësishëm për qytetin e Ferizajt sepse ne dikur kemi pasur mundësinë që të krenohemi me një lum, ndërsa  sot në një mënyrë ky lum më shumë ka pamje të kanalizimit se sa që ka ndonjë funksion tjetër”, ka thënë kryetari Svarqa, duke shtuar se kjo rrugë do të jetë funksionale për qarkullim të lirë të njerëzve.

Nga ana tjetër banorë të kësaj lagjeje thonë se më në fund po bëhet një zgjidhje e përhershme për ta. Thanë se kanë hequr të zinjtë e ullirit nga kjo rrugë tepër e dëmtuar.

Gjatësia  e kësaj rruge është  mbi 380  metra ndërsa ka një gjerësi prej katër metra e gjysme. Vlera e këtij projekti kap shumën rreth 13 mijë euro.