Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ehat Miftaraj, drejtor në Institutin e Kosovës për Drejtësi, ka bërë thirrje që presidentja Vjosa Osmani të kthehet në Kosovë për të takuar liderët politikë dhe për të shqyrtuar situatën e votave, përpara se të vazhdojë vizitat ndërkombëtare. Në një postim në rrjetet sociale, Miftaraj ka kritikuar takimin e sotëm të Osmanit me homologun e saj bullgar, Rumen Radev, duke sugjeruar se ajo duhet të kontrollojë përkrahjen politike brenda vendit dhe, në rast se nuk ka votat e nevojshme, të shpallë zgjedhjet. Sot, presidentja Osmani gjatë takimit me Radev ka diskutuar mbi heqjen e masave të padrejta ndaj Kosovës dhe avancimin e aplikacionit për statusin e vendit kandidat në Bashkimin Evropian, sipas njoftimeve të zyrës së saj.
