Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
ARKIVA
Disa kujtime të mbledhura
I koleksionova në arkivë
Fjalët
Si kallinj i shkërmoqa në pergamen
Një grusht paqetësie shpirti
Për historinë
Se aty duhet të jenë
Ani se tani kanë ngecur diku
Në moskuptim
Këto rrëfejza jete
Gdhendur i kam me timen frymë
Unë bijë dardane me origjinë
E gjakut të fismë ilir
RA VJESHTA
Ra dhe Vjeshta me mëngjese të brymëta
Gjethet si nga brushë e Van Gogut ngjyruar
Bien mbi myshkun vjeshtor
E drunjtë në fillikatni kredhur janë
Pa flutura e zogj që s’di ku u fshehën
*
Ah nën vallëzimin e stinëve vitet vargohen
Lumi i jetës kthesave të mistershme shterron
Befas suferina dimëron në shpirtin e lodhur
Me gëzimin e dhimbjes si aht
DHIMBJE
Mos më kërko
Sall për një ditë të vetme
Të lutem m’u largo
Me lojën tënde therrmëse
Mos më trazo
Se dua ta thaj lotin nga një sërë vuajtjesh
E frymën e shpirtit
Si prej ahtesh
Latentisht ta çliroj
Nga ty
