Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emërimi i Luigji Biankos si apostolik në Slloveni dhe njëkohësisht delegat apostolik për Kosovën është pritur me entuziazëm nga Ipeshkvia e Kosovës. Vendimi u mor nga Papa Leoni XIV më 20 maj 2025, vetëm 12 ditë pas zgjedhjes së tij si kryetar i Selisë së Shenjtë, pas vdekjes së Papa Françeskut. Don Shan Zefi, vikar i përgjithshëm i Dioqezës Prizren-Prishtinë, e vlerësoi këtë emërim si një sinjal pozitiv për Kosovën, duke theksuar faktin se Papa i ri e ka vendosur çështjen e Kosovës në prioritetet e hershme të pontifikatit të tij. Ndonëse Bianko do të ushtrojë detyrën e nuncit apostolik në Slloveni me përgjegjësi diplomatike të plota, në Kosovë ai do të shërbejë vetëm si delegat apostolik – një përfaqësues kishtar që përkujdeset për nevojat baritore të besimtarëve katolikë, pa status diplomatik, pasi Vatikani ende nuk e ka njohur formalisht shtetin e Kosovës. Selia e Shenjtë nuk ka dhënë ende sinjale konkrete për njohjen e pavarësisë së Kosovës. Radio Evropa e Lirë ka kërkuar një përgjigje zyrtare nga Vatikani për qëndrimin ndaj njohjes së Kosovës, por deri në publikimin e këtij lajmi nuk ka marrë përgjigje. Ndërkohë, për komunitetin katolik në Kosovë, emërimi i Biankos shihet si një hap i rëndësishëm drejt forcimit të lidhjeve me Vatikanin.
