Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari i BE-së për dialogun Kosovë-Serbi, Miroslav Lajçak, është takuar në Bruksel me Komandantin e KFOR-it Gjeneral Major, Angjelo Ristuccia, me të cilin biseduar edhe për vlerësimet mbi burimet e mundshme të tensioneve të ardhshme në Veri. Po ashtu, ai e ka falënderuar atë për rëndësinë që e ka KFOR-i në sigurimin e një mjedisi të sigurt në Kosovë. Është e rëndësishme të shkëmbejmë shënime mbi zhvillimet në terren dhe të ndajmë vlerësimet tona mbi burimet e mundshme të tensioneve të ardhshme. Mirënjohës për punën jetike të KFOR-it në ndërtimin e një mjedisi të sigurt në Kosovë”, ka shkruar Lajçak. KFOR-i është i ngarkuar nga bashkësia ndërkombëtare që të ofrojë siguri në Kosovë. Gjatë tensioneve në Veri, disa pjesëtarë të këtij misioni janë sulmuar nga protestuesit e dhunshëm serbë.
