Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i forcës paqeruajtëse në Kosovë, gjeneral major Enrico Barduani, ka deklaruar se mbyllja e urës mbi Ibër në Mitrovicë është një çështje politike dhe vendimi për të duhet të merret përmes dialogut në Bruksel. Ai theksoi se problemet në pjesën veriore të Kosovës zgjidhen vetëm politikisht dhe jo me metoda të tjera. në fund të mandatit të tij si komandant i KFOR-it, Barduani foli për zhvillimet e sigurisë në veri të vendit dhe rolin e forcës paqeruajtëse në ruajtjen e stabilitetit. Gjenerali italian vuri në dukje se Serbia ka të qarta “vijat e kuqe” në Kosovë të përcaktuara nga Rezoluta e Këshillit të Sigurimit të OKB-së, dhe se kryesit e sulmit mbi forcat e KFOR-it në Banjskë në vitin 2023 duhet të sjellën para drejtësisë. Ai theksoi rëndësinë e dialogut mes Beogradit dhe Prishtinës për normalizimin e marrëdhënieve, duke paralajmëruar se mungesa e tij mund të kthejë çështjet politike në sfida sigurie. “Vendimi për urën mbi Ibër në Mitrovicë duhet të merret në koordinim me komunitetet lokale dhe komunitetin ndërkombëtar,” tha Barduani, duke shtuar se qasja e NATO-s ka qenë gjithmonë e qartë, konsistente dhe transparente.
