Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i misionit të KFOR-it të udhëhequr nga NATO, gjeneralmajor Enrico Barduani, ka pritur të mërkurën në selinë e KFOR-it në Camp Film City të Prishtinës, komandantin e Komandës Italiane për Operacione të Përbashkëta, gjenerallejtënant Giovanni Maria Iannucci. Sipas njoftimit të KFOR-it, gjatë takimit, gjeneral Barduani paraqiti një pasqyrë të situatës aktuale të sigurisë në Kosovë dhe në rajon, duke rikonfirmuar rolin kyç të KFOR-it në ruajtjen e stabilitetit dhe në nxitjen e një dialogu politik konstruktiv. Në këtë frymë, gjenerali Iannucci nënvizoi rëndësinë e bashkëpunimit të ngushtë dhe të vazhdueshëm midis aleatëve të NATO-s. Pas takimit zyrtar, gjenerali Iannucci zhvilloi një vizitë edhe tek kontingjenti italian i dislokuar në kuadër të KFOR-it, ku shprehu vlerësime të larta për profesionalizmin dhe përkushtimin e tyre ndaj misionit, duke theksuar se ky angazhim kontribuon në kuadrin më të gjerë të sigurisë kombëtare dhe ndërkombëtare.
