Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas vendimit të fundit të Gjykatës Kushtetuese, ku konstatohet se seancat e udhëhequra nga deputeti Avni Dehari përbëjnë shkelje kushtetuese, kanë pasuar reagime të ashpra nga Lëvizja Vetëvendosje. Megjithatë, juristi dhe ish-kryetari i Gjykatës Kushtetuese, Enver Hasani, ka dhënë një përgjigje të prerë ndaj kritikave – veçanërisht atyre nga ministrja në detyrë e Drejtësisë, Albulena Haxhiu. Në një intervistë për Televizionin T7, Hasani u shpreh: “Po i dëgjoj që po thonë ‘kërkun n’botë s’ka kështu’. Por kur nuk lexon asnjë libër, të duket që kërkun në botë s’ka kështu.” Sipas profesorit Hasani, është praktikë e zakonshme në sistemet demokratike që gjykatat kushtetuese të japin konstatime të reja, edhe nëse ato nuk përmenden shprehimisht në kushtetutë. Vendimi i publikuar të premten nga Gjykata Kushtetuese u kërkon deputetëve të zgjedhin kryetarin e Kuvendit me votim të hapur brenda 30 ditëve. Po ashtu, një kandidat nuk mund të propozohet më shumë se tri herë. Albulena Haxhiu, e cila është propozuar disa herë pa sukses, sipas Hasanit, e ka konsumuar këtë të drejtë. Në të njëjtën intervistë, Hasani theksoi: “Me rregull, gjykuar sipas këtij dispozitivi, unë besoj që ajo e ka konsumuar të drejtën e saj.” Ai shtoi se, po të ishte pjesë e gjykatës, do ta përmendte këtë edhe në arsyetimin e aktgjykimit dhe do të votonte për të. Profesori Hasani tha gjithashtu se është vështirë që gjykata të arrijë në një interpretim tjetër për këtë çështje.
